انا جعان
طيب استنى بس شوية نبيع الكام منديل الفاضلين دول و نروح ناكل
مليش دعوة انا جعان
طيب بس نبيع الكام منديل دول و نروح ناكل..احسن المعلم يضربنا
انا عاوز امي
وانا كمان عاوز امي بس نروحلها ازاي دلوقتي ؟ انت مش عارف ان امنا عند ربنا
طيب انا عاوز اروحلها عند ربنا
ليه انت عاوز تسيبني؟
لا ..طيب تعالى انت كمان معايا عند ربنا
ما احنا مش هنعرف نروح لوحدنا
مليش دعوة انا عاوز اروح عند امي عند ربنا
بص..اما نكبر هنبقى نروح عند ربنا
مليش دعوة..انا عاوز امي
متعيطش بقا عشان خاطري..طيب بص ايه رايك نروح ناكل وبعدين نكمل بيع المناديل ؟
ونروح لامي؟
لا مش هينفع..اقولك بعد ما ناكل هجيبلك حاجة حلوة ماشي؟
ماشي
طيب يالا بينا
هناك 3 تعليقات:
وجعتني اوي
اوي
اوي
عوداً حميداً يا أستاذتنا ، نورتي البلوجر
:))
المشهد فوق الوصف معبر ومؤثر جداً
خالص تحياتي
شيماء
اعيط يعنى ولا اعمل ايه انا :/
انتى فظيعه
إرسال تعليق