يااااه
الف حمد والف شكر ليك يارب اخيرا جبت العيش
الطابور
كان طويل اوي وواقف على رجلي من صباحية ربنا..ااه يا ركبي
عشر
ارغفة..يادوب ع القد ..انا وام العيال والعيال وفاطنة وعيالها
فاطنة جوزها
مات وسابلها كوم لحم ..وهي وعيالها بقوا في رقبتي ..
ماهي مالهاش غيري ..اخوها
وراجلها من بعد جوزها
اجيب
منين بس ياربي ..استغفر الله ..
بس
الحمدلله ... ربنا بيرزق
عشر
ارغفة ..يارب بس محدش فيهم يقوم جعان ..هو يادوب رغيف لكل واحد ..
اصل هعمل ايه ؟
بس
الحمدلله ... ربنا بيرزق
البنتين
كبروا وبقوا ع وش جواز ...
هجيب
منين اجهزهم واجوزهم ؟ ده يادوب اللي جاي على قد اللي رايح
بس
الحمدلله ... ربنا بيرزق
رزقني
حق تعليمهم وهيرزقني حق جوازهم وسترتهم
فاضل
اسبوع ويجي معاد دفع الايجار ..الاوضة اللي لميتنا وسترتنا لو راحت مننا هنبقى في
الشارع
ده
يادوب القرشين اللي جم بيكفونا عيش وغموس هجيب منين ؟
بس
الحمدلله ... ربنا بيرزق
ما هو
رزقني الشهر اللي فات وسددت الايجار اللي عليا
واديني
جبت العيش اهو ..
يادوب ع القد ..
انا وام العيال والعيال وفاطنة وعيالها..
الحمدلله ..ربنا بيرزق
ليست هناك تعليقات:
إرسال تعليق