دايما بلقاك جنبي من غير ما ادور عليك
بلقاك في دعوة ساعة الصبحية من حد معرفوش انه يفتحها في وشي و ينورلي طريقي
بلقاك في ابتسامة طفلة صغيرة و بوسة بتبعتهالي في الهوا تخليني مبسوطة باقي اليوم
بلقاك في صحياني صدفة ساعة اقامة الفجر فاتوضا و اصلي الفجر حاضر
بلقاك في دمعة بتنزل من عيني لما بفتكر اني مقصرة في حقك اوي
بلقاك لما بتصرف عني شر و تنجيني منه و كان ممكن اقع فيه و اتعب بقية حياتي
بلقاك في صوت راجل عجوز غلبان بيبيع الفول في الشارع و بيقول بصوت عالي اصطبحنا و صبح الملك لله و الابتسامة على وشه و هو مطمن انك هترزقه قوت يومه
بلقاك في سجدة امي بتدعي فيها لينا و تحس بعدها انها مرتاحة و رمت حمولها عليك
بلقاك اما باتأمل في تصريفك لشئون الكون من حوليا
بلقاك اما بحس بنعمك العظيمة مغرقاني و لو قعدت احمدك عليها طول عمري مش هيكفي
بلقاك في ابتسامة بتترسم على وشي و انا بكتب عنك دلوقتي و حاسة براحة كبيرة اوي
دايما بلقاك جنبي يا رب في كل لفته و كل حركة
دايما بلقاك جنبي يا رب من غير ما ادور عليك
يا رب ان رحمتك قد وسعت كل شئ و انا شئ فاجعلني من اهل رحمتك
هناك 4 تعليقات:
وهل لنا سوى الله لنناجيه
نتضرع له ونبكى بين يديه ساجدين
لنشكوا اليه ضعفنا
و قلة حيلتنا
..
افكار مبعثره
حرفكِ من نور
ويحمل عطر الزهور
مودتى
الجوكر
و نعم بالله
دمت بخير :)
دائما بلقاك جنبى
لما أطلب منك حاجة و ما تديهاليش
و بعدين أفهم بعدها بكثير إنها كانت غلط عشانى و إنى ما كنتش فاهمة حاجة
و إنك برحمتك حميتنى من أذى كنت رايحة له برجليا
يا رب ديم علينا رحمتك كلنا
تحياتى لك يا عزيزتى أفكار
شهرزاد المصرية
ربنا يديم علينا رحمته التي وسعت كل شئ
نورتي المدونة :)
إرسال تعليق