هو انا ممكن اتكلم معاك شوية
انا بقالي كتير مش بجيلك بقلب صادق
بقالي كتير مش بتكلم معاك و انا مركزة
يا اما بسرح يا اما بركز على احتياجاتي انا بس
دايما الدنيا واخداني و بتشيلني و بتحطني و انا سايباها تعمل كده
منكرش ان في لحظات كتير بمسك فيها نفسي و بقول لا مش هسيبها توديني و تجيبني ما انت دايما واقف جنبي
بس في لحظات تانية بقع و ببقى خايفة وانا بقع انك تزعل مني
بقعد اقول ياريت تسامحني ان كنت في لحظات ضعفي بنسى انك معايا
بس بقولها و برده دموعي بتنزل مني على نفسي
معادلة صعبة نفسي احققها و مش عارفة
ان مهما يعدي عليا من حاجات ابتسم و اعديها و ابقى كويسة و قوية ما انت جنبي هعوز ايه تاني من الدنيا
ساعات بعرف احققها و ساعتها بحس انك جنبي و حاسس بيا و مقويني
بس ساعات اكتر بقع في النص فبخاف تكون زعلان مني و بخاف يكون اختبار بتحطني فيه و افشل
و ارجع اجيلك ما انت بابك مفتوح دايما
و ارجع اتكلم معاك و ارجوك تسامحني
و ارجع اقف تاني على رجلي و مهما اتخبط مش مهم
و برده ارجع تاني اقع
ساعات بحس ان في كل مرة بقع فيها بتكون انت بتناديني علشان اجيلك
ما هو انا اما بقف على رجلي برجع انسى و ابعد تاني
بس ازاي ابعد عنك و في القرب منك راحة
انت الغفور الرحيم
انت القريب المجيب
انت جابر كسر كل مكروب
انت الاقرب الينا من حبل الوريد
انت مبشر الصابرين
انت الرؤوف بعبادك
بجد انا محتاجاك اوي اوي
يا رب قويني في ضعفي
يا رب سامحني في غفلتي
يا رب اكتبلي ما فيه الخير و اصرف عني السوء
"ان مع العسر يسرا" سامحني ان نسيتها في ظل ضعفي و غفلتي
يارب ريح بالي
يارب ريح بالي
يارب ريح بالي
هناك 28 تعليقًا:
ياااااااااااااااااااااه
مش عارفه أقول لك إيه
يمكن ربنا كاتب لى إنى أدخل مدونتك النهـاردة .. علشان أقـرأ كلام جوايا وحاسة بيه ونفسى أقوله بس مش عـارفة !
مافيش حاجة فى الدنيـا أحلى من مناجـاة ربنا .. هو اللى خالقنا وحاسس بينـا وعارفنـا أكتر من نفسنــا
ربنا يكرمك ويريح بالك :) :)
يا رب يريح بالك
حبيبتي وتكوني بأحسن حال
كوني قريبه دائما
والله غفور رحيم مجيب قريب
تحياتي لقلمك المعبر
فهي دعوه ستجزي عليها خيرا
وستضع في ميزان حسناتك
ربنا يطيب قلوبنا
حوار كلنا بنحتاجه كتير
وكتير فعلا بننشغل بحجات تافهه
كان بس عندى ملحوظة ياريت تتقبليها
امم خلينى أقولهالك بشكل غير مباشر
لو هتكتبى حوار بينك وبين باباكى أو أستاذ كبير أكيد هتكلمية بأسلوب تانى
انا عارفه النية وعارفه ان ربنا أكبر وأقرب ويعلم السر والنوى
لكن أكتر حاجة حسيتها مع علماء اتعلمت على ايدهم فى نعهد إعداد الدعاه كان معنى الأدب مع الله إحرصى عليه فهو أولى وبه أحق وهو علينا واجب أن نتعلمه
دمت بخير
وربنا يهون علينا يارب
Sea Lover
سبحان الله ربنا اراد ان انا اكتب الكلام و انتي تقريه و ربنا يجازينا خير :)
فعلا مناجاة ربنا سبحانه و تعالى عبادة و فيهاراحة كبيرة ربنا يكتبهالنا يا رب
مبسوطة جدا بزيارتك و ياريت تكرريها :)
نورتيني
كارولين فاروق
امين حبيبتي يا رب
سبحانه القريب العالم بالحال قادر على تفريج هموم المهمومين
حبيبتي ربنا يكرمك و يجازيكي خير
نورتيني يا كارولينا الجميلة :)
رؤى عليوة
امين يا رب العلمين
طبعا لازم كلنا نتحرى التأدب مع الله سبحانه و تعالى في الحوار و انا في كلامي مع ربنا سبحانه و تعالى كنت بفضفض معاه و بتكلم من قلبي و هو القريب العليم الاقرب الينا من حبل الوريد
انا قريت البوست كذا مرة فممكن تقوليلي فين حسيتي ان الحوار فيه اخلال بالتأدب مع الله سبحانه و تعالى
جزاكي الله كل خير
نورتيني :)
ربنا يريح قلبك يا جميله انتى
كتابتك وطريقه تعبيرك وعفويتك فى الكلام تدل على طيبه قلبك ربنا يروق حالك وحالنا صدقينى مفيش غير كلمه الحمد لله واللهم لا اله الا انت سبحانك انى كنت من الظالمين
جزاكى الله خيرا حبيبتى
يارب ريح بالك وبالى انا كمان وبالنا كلنا
كنت محتاجة اقرى الكلام ده فى الوقت ده
يا رب
مساء الغاردينيا
ربنا يريح بالك
كوني قريبة من رب العالمين
فليس سواه يضمد جراحنا وألامنا "
؛؛
؛
لروحك عبق الغاردينيا
كانت هنا
reemaas
كلنا محتاجين الحوار دة
فعلا بجد
كان ممكن ابقى انا اللى كتبت الكلام دة
لانه جوايا من فترة
لكن طبعا ابداعك لا يضاهى
يا رب خليك مع الجميع كلنا محتاجين لك
حبيبتي هوبة ربنا يخليكي ليا على كلامك الجميل ده بجد
يا رب ريح بالنا جميعا و فرح قلبنا و فك كربنا يارب
لا اله الا انت سبحانك اني كنت من الظلمين
تسلميلي يا احلى هوبة في الدنيا
نورتيني :)
Dr Ibrahim Samaha
و نعم بالله سبحانه القريب المجيب العالم بالحال
امين يا رب العلمين ربنا يصلح احوالنا و احوال المسلمين اجمعين يا رب
يسعدني الانضمام الى الحملة ساتي بالزيارة لاعرف التفاصيل
جزاك الله كل خير
نورتني :)
Dr Ibrahim Samaha
اسفة جدا تم حذف تعليقك بالخطأ اعتذر مرة اخرى
شرفتني
reemaas
حبيبتي يا ريمسو ربنا يريح بالنا جميعا ان شاء الله و يفرح قلبنا
نورتيني :))
P A S H A
يا رب يا رب يا رب
ملناش غيره
نورتني :)
ريـــمـــاس
حبيبتي وحشاني جدا جدا جداااااا
يا رب و نعم بالله هو العالم بالحال القريب المجيب
تسلميلي حبيبتي يا رب
نورتيني :)
شهرزاد المصرية
اه والله فعلا دائما نحتاج هذا الحوار و تلك المناجاة لله رب العلمين العالم بحالنا القادر على تفريج الكرب
تسلميلي يا حبيبتي يا رب و انا هاجي فين جنب اسلوبك انتي :))))
امين يا رب العلمين
نورتيني :)
والله وأنت كمان وحشتيني أكتر ربنا يكرمك ويحفظك من كل سوء يارب
فما أحوجنا للابتهال لله عز وجل بارك الله فيك وسدد الله خطاك دمتي بكل خير
كريمة سندي
حبيبتي نورتيني والله بجد و افتقدت طلتك الحلوة
ربنا يكرمك حبيبتي و يجازيكي خير و يريح بالك
نورتيني :)
شيمو
انتى مش متخيله انتى وحشانى ازاى
انا اول ما رجعت من انعزالى اللى كان حاصل عماله ادور انتى فين لقيت المدونه اخيرا ليستتى كبرت معلش بقي
يمكن كلامك لمسنى بشكل او باخر
بس تعرفي يا شيمو الحلو في الموضوع ان ربنا فعلا مبيستناش مننا حاجه ومبيقعناش الا ليصحينا يمكن وقعاتك مش اختبار منه بس لقوتك الايمانيه يمككن كمان ساعتها كان بيشغلك عن حاجه اوحش او بينبهك لحاجه جايه
اتمنالك راحه البال
اتمنى تعودى افضل من الاول
بحبك ووحشتينى اوى بيجد <3
ربنا يريح بالك يارب..
بصي أنا عملت جدول عشان أقرب من ربنا تاني هتلاقي التفاصيل علي الاينك ده:
http://day-from-mylife.blogspot.com/2012/06/blog-post.html
وعملت صفحة إسمها:
((إنعاش القلب والعقل بدكر الله))
عشان أنا وأصحابي كل واحد يكتب تقريره ونشجع بعض وعشان تعرفي أكثر أدخلي هنا:
https://www.facebook.com/an3sh
شاركينا أكيد هنكون سعداء بتواجدك معانا منتظرينك:)
وعلي فكرة في الجروب بتاعنا في رنا اللي رده عليك قبل علي طول أيوووا رنا علي معانا بردوا يعني بجد رنا إنسانة جميلة وإيجابية وبتشجع ياريت تكوني معنا:)
rona ali
وحشاني جدااااا حبيبتي بجد
زي ما قلتي يا رونا ربنا سبحانه و تعالى كريم في وقعاتنا بيكون رحيم بينا و بيصرف عننا بلاء اكبر و بينبهنا لحاجة غايبة عننا و عشان نحس بطعم النعمة اللي ربنا سبحانه وتعالى منعم بيها علينا
ربنا يرزقنا جميعا راحة البال يارب و يعنا على ذكره وشكره و حسن عبادته
نورتيني حبيبتي
نيللي
ماشاء الله الفكرة حلوة اوي ربنا يجازيكي عنها كل الخير ربنا يعينا يا رب على ذكره و شكره و حسن عبادته ويعنا على التقرب اليه بالعمل الصالح
طبعا رونا لازم تكون من الموجودين بايجابيتها وروحها الحلوة
ربنا يجازيكو جميعا كل الخير يا رب
نورتيني بجد :)
ربنا يريح بالك وقلبك يا رب
حلو أوي الحوار ده
مفيش أصلاً أجمل من الحوار بينك وبين اللي خالقك ..
ربنا يقويكي وديماً تبقي أد اللي بتعمليه
طول ماربنا جمبك ، وجمبنا كلنا :)
NaDa
امين يارب العلمين
كلنا محتاجين الحوار ده اوي ربنا يقف جنبنا و يكتب لنا كل الخير يا رب
نورتيني حبيبتي:)
تحياتي
إرسال تعليق