مش عارفة ليه مش بعرف اتكلم عن نفسي و مش بعرف ادخل جوايا اوي لدرجة اني بحس اني مفيش جوايا حاجة رغم ان في جوايا كل حاجة
لو حسيت اني عاوزة اكتب عني بكتب بصيغة هي زي ما اكون خايفة اني اقول ان دي انا اللي بتكلم عنها
اكتشفت اني بخاف جدا اني اتعلق بحد او بحاجة علشان مش عاوزة قلبي يوجعني ساعة الفقد و انا فعلا مش حمل اني اتعرض لاي وجع في قلبي
بدور على حاجة بس مش عارفة ايه هي و اكيد هعرفها اما الاقيها
عاوزة اقعد اتكلم مع نفسي شوية علشان حاسة انها محتاجاني اوي
زهقت من تقلباتي المزاجية و مش عارفة ده طبيعي كوني انثى و لا طبيعي كوني شيماء
مفيش حد بياخد كل حاجة و في دايما حاجة بتشيل حاجة ياترى بقا انا لقيت الحاجة اللي تشيل حاجة ولا لسه
بكره احساسي اما بحس اني مش عارفة انا عاوزة ايه
اوقات كتير اما ببقى في الحالة دي ببقى مش عاوزة اتكلم مع حد خالص بس مش دايما اللي قدامي بيفهم ده
ساعات بحس اني مبسوطة اني عديت باختبارات و الحمد لله طلعت منها على خير و اوقات تانية بحس ان فيها ايه يعني اما الدنيا تمشي سلسة من غير اختبارات بس طبعا مينفعش
حاسة اني مش فاهماني او فاهماني و بستعبط
مش بحبني و انا بفكر كتير بس هل ده معناه اني مش هحبني على طول اصل انا بفكر كتير اوي اليومين دول
اختنق كثيرا من احساسي بالخوف الذي قد ينغص علي سعادتي ...قد يكون الخوف من الفقد او الخوف من العواقب او الخوف من سوء الاختيار
عاوزة شوية بحر على هوا على شمس على رملة على منير و بس
اما اخدت اجازة امبارح من الشغل و نزلت اتمشيت و اشتريت ايشارب جديد و شربت كباية شاي بلبن مع بسكوته بالشوكولاته مزاجي اتعدل شوية ... اد ايه حاجات بسيطة ممكن تفرحني بس مش دايما بيبقى عندي الوقت اني اعملها و ده اللي بيضايقني
ساعات بحس اني مطلوب مني ابذل مجهود معين تجاه ناس مش بيبذلوا ناحيتي نفس المجهود و ده بيضايقني اوي
حاسة اني افكاري المرة دي مبعثرة زيادة عن اللزوم و مليانة طاقة سلبية فكفاية كده مش هكتب افكار تاني مؤقتا الى ان يظبط الموود
هناك 18 تعليقًا:
والله حاسة انك بتتكلمى عن رؤى مش شيماء
يمكن من كتر ما خيالنا بيروح لبعيد وان الواقع مفيهوش غير حجات ملهاش لازمه بنحس بكده
كتبت كتير حجات اصالح فيها روحى
لكن فى الاخر عملت زيك كده من كان يوم قلت مش هكتب احزان تانى لانى لما جمعت اللى كتبته طول السنة اللى فاتت كان حزين قلت كفاية
واحياتك ما مر يومين الا وكان عندى يوم اكتئاب دى كلمة قليله عليه ومكتبتش برضه لانى كنت نويت حتى لو لم تتح الظروف ولا الاحداث انى انفذ الوعد لكن المدونه بتحمل مشاعرى وتواريخ الكتابة دايما بتفكرنى ايه اللى كان حاصل ومنزلتش غير صور يمكن كنت حساها من اكتر من اى كلام
لكن صدقينى هى غامقة بس مش سوداا قولى يارب هتهون
وطالما حجات صغيرة بتريحنا خلينا نبعد شوية عن اى حد ونبقى لوحدنا شوية
متكتبيش حزين وادخلى مدونتك نزلى كلام حتى لو مش بتاعك نزلى صور متفائله حتى لو حساها بعد شوية هتلاقيك اتعودتى عليها
مفييييييش حل تانى صدقينى اى حاجة مجرباها
يارب تكونى احسن
دمت بخير مبسوطه انى عرفت اسمك على فكرة :)
انتي مش افكارك مبعثره ولا حاجه
هي الظروف اللي مبعثره شويه
بل شويتين
كلنا كده يا شيماء مبعثرين كتير
والظاهر انه بقي شئ طبيعي الايام دي
اتمني ان تمكوني بخير الايام اللي جايه واحسن
وانا معاكي انك تقعدي مع نفسك شويه
وان شاء الله الامور بأذن ربك ستتحسن
مساء الخيرات يا شيمو
مالك يا جميل متبعثر ليه روق كده عارفه لوبصيتى حوليكى حتلاقى كل واحد متبعثر اكثر من التانى صدقينى كلنا عندنا هموم واحزان واذا كان الشاى بالبن بيسعدك اقوم اعملك كوبايه حالا هههههههه بس عقبال ما حتوصلك حتكون بردت
انت بس محتاجه لاجازه ترتاحى فيها وتروقى اعصابك
سلامتك يا قمر واهم شىء انك بخير وصحه
شيماء
ليس بعد تعليق هبه وكارولين اضافة سوى الدعاء بان يزيل الله كل مكروه فى حياتنا
الظاهر ان ميكروب فيروس الهم والغم والكرب العظيم انتشرت عدوته فى بلادنا
اللهم اجعله خير
زعلانة ليه ان افكارك مبعثرة وانتى اصلا افكار مبعثرة .. ولا هتنكرى ؟!!
اللى انتى فيه دا عادى
دا اللى بيقولوا عليه ف ادبيات اللغة
حالة عصف ذهنى ...
التفكير الكتير والذى يصاحبه حزن
بيوصل لكدا
للحالة دى من اللخبطة
والواحد لما يكون لوحده .. بيضخم ف احساسه بكل شىء مؤلم ...
انتى حاسة بوحدة
دا باين قوى
وحدة حتى لو حواليكى ناس
وغالبا الناس دول بيطلبوا منك
اكتر ما بيدولك
وانتى تحديدا ف هذه الايام
محتاجة تاخدى ولو شوية صغننة
لأنك تعبانة ومرهقة على غير العادة
حالة وهتروح لحالها
اما سؤالك عن التقلبات
فانتى انثى وانتى انتى .. عادى يعنى
:)
وألطف حاجة م البوست دا انى عرفت اسمك الحقيقى
بس انا بحب فوكيرة اكترررررر
التدوينة كلها تشبهك
ونصيحة من اختك الكبيرة بقى
متدوريش على إجابات ولما متجيش تحبطى ...
احنا اتخلقنا ندور
مش نوصل
زى ما نجيب محفوظ ما قال كدا
الحياة هى الرحلة مش الوصول ...
فروقى ولما متوصليش لإجابات
متتخضيش وتحسى انك تايهة
الحمدلله انك بتفكرى وتوجعى دماغك
الوجع بيعلم وبزقنا لقدام ..مش زى ما الناس فاهمة انه بيدبحنا ويرجعنا لورا
انا بتكلم ع الوجع الصح
مش المزيف
واحسب وجعك حقيقى يا فوكيرتى
بوسات وحضونات
ولو عاوزة بحر وهوا
تعالى معانا اسكنكرية يوم 6 أبريل الجاى ..
التفاصيل عند عاشقة الرومانسية
فكرى و دبرى حالك وقوليلنا
اما منير
فهبقى أغنيلك انا .. ينفع ؟؟
:))))
ايه بقي ياعمو بتقفل عليا ليه انا عندى انا عندى ههههههههه
ياختى ياااااااااااا نهاري مكنش يومك يابنتى هههههههههههههه
بقولك ايه تيجى تعزمينى علي نسكافيه وانا معاكى في اى حتى هتبسطينى اوى وهتنبسطى لانك شوفتينى اكيييد :)))
لاء بيجد ايه يابنتى انا اتبعترت في البوست ورجعت الم اشيائي
بصي دايما البعثرة بتحصل لما بنفقد جزء منا او بننسي نفسنا نبتدى كل شويه تقع حاجه مننا ونقعد نرجع نلملم اللى وقع تانى وكاننا بنجمع البيزال بتاعنا
هى فترة وانتى قولتيها كل مافي الامر انك محتاجه تقعدى مع نفسك وتبطبطى عليها
مش مهم حد يفهم حالتك المهم انتى فاهمه وكبري لو قعدنا نبص علي اللى حوالينا ونرضيهم حتى وقت قرفنا مش هنعيش المهم انتى عايزة ايه طبقي ما لم يضر حد :)
التلقلبات طبيعي كونك شيماء وانثي كمان هههههههههه
طبيعي في الحاله دى التفكير السلبي بياثر اوي وبيخلى الدنيا بلاك انا عارفه واحساس انك عايزة بس مش عارفه إيه زى كدة عايزة اكل حاجه مختلفه ايه مش عارفه فاالاخر بتاكلى نفس الاكله بالتالى انتى اعدتى تعملى نفس الافعال :)
بس خليكى عارفه دايما انك جايه الدنيا لسبب ممكن تكونى حققتى وانتى مش واخدة بالك وممكن يكون ليسه هتحققي لاتقلقي يعنى
وربنا معاكى ويشرح صدرك ويفرج همومك
وانا رغيت كتير نياهاهاهاها
اولا انا كسبت انى عرفت انى اسمك شيماء :)
مع التدريب هتعرفى تتكلمى عنك ومعاكى والبداية مبشرة جدا
لسه والله قايله امبارح على الفيس يا شيماء ان ماحدش بياخد كل حاجة اصل هيحطها فين
وفعلا الحاجات البسيطة اوى اوى قادرة تفرحنا المهم اننا نعملها
هي كده الدنيا تفضل تخبط فينا وطول ما احنا مستحملين وواقفين مش حاسين بالم وبتيجي لحظة ضعف لينا اقل حاجه بنحس انها هدت حياتنا وكل اللي محتاجينه حبة هدوء ونخرج شويه بره الظروف ونرجع تاني نحلها على مهلنا او ممكن نسيبها هتحل نفسها بنفسها
تحياتي
رؤى عليوة
تصدقي انا مش عارفة هو انا كده ليه او هو انا فعلا شايفاها غامقة و مش واخدة بالي
اصل انا دايما بحاول اطنش اي حاجة وحشة و اعمل نفسي عديتها بس اكتشفت اننا كنت بحوش جوايا و علشان كده انفجرت
انا مش بحب النكد و لا من هواة البكاء بس ساعات كتير مش بقدر اضغط على نفسي و اقولها ابقي كويسة بحس اني لو سبت نفسي لضعفي و زعلي هستريح شوية
هفضي البالونة علشان اعرف املاها تاني :)))))))
هحاول مطولش في الفترة دي و ارجع تاني علشان انا مش حاباني كده
ربنا يفرح قلبك و قلبي و يسعدك يا رب :)
و انا كمان مبسوطة انك عرفتي اسمي :)))
نورتيني بجد
كارولين فاروق
تصدقي صح كلمة الظروف مبعثرة دي
هي فعلا مبعثرة هنا و هناك و يمكن محاولتي اني الملمها تعبتني شوية
محتاجة ارتب افكاري و انظمها و اطبطب على نفسي حبتين
يا رب يسعدنا جميعا و يريح بالنا
مبسوطة جدا بزيارتك :)
نورتيني والله
هبة فاروق
حبيبتي يا هوبة والله انت اللي فاهماني و فاهمة الشاي بلبن بيعمل لي احلى دماغ هههههههههههههههههه
حبيبتي تسلميلي يا رب و الشاي بلبن اكنه وصل و حلو اوي علشان من ايدك
الله يسلمك حبيبتي و يخليكي ليا رب يا احلى هوبة في الدنيا
استاذي الفاروق
والله انتو مش متخيلين انا اد ايه مبسوطة بزيارة آل فاروق دي اللي منوراني :))))))
انا عارفة و الله هو فعلا زي ما يكون حالة عامة من عدم القريفة و التوهان مسيطرة على ناس كتير
يا رب يفك كرب المكروبين و يريح بالنا جميعا ان شاء الله
نورتني استاذي :)
فاتيما
يعني اما القلب الابيض ده يجيلي و يزورني في مدونتي مش المفروض ابقا مبسوطة و الله ايه :))))
انتي ازاي فصصتيني كده و دخلتي جوا معاميق معاميقي
انا فعلا ممكن اكون زي ما قلتي حاسة بوحدة رغم وجودي وسط ناس كتير اوي و كلهم بيحيوني و كلهم بيخافوا عليا بس انا مش عارفة ليه الوحدة و هل انا اللي فرضتها على نفسي و عملت حاجز حوالين نفسي و لا هم اللي مبذلوش مجهود علشان يخترقوا الحاجز ده
مش عارفة بس اللي انا عارفاه انها حالة و هتروح لحالها و انا اصلا بطبيعتي متقلبة فعارفة ان زي المنحنى ما نزي هيطلع تاني برده
انا كمان بحب اسم فوكيرة اوي بحسه قريب مني و من نفسي اوي
بوسات كتير ليكي حبيبتي و مبسوطة اوي بزيارتك و سمعيني واحدة اغنية لمنير و النبي خللي الواحد يفرفش شوية هههههههه
والله انا كمان نفسي اروح اسكنكرية اوي بس شكلها مش هينفع ابقوا هاتولي معاكو شوية بحر على هوا على شمس
نورتيني يا ام قلب ابيض انتي يا قمر :))))
rona ali
رونا حبيبة قلبي تعالي يا ختي اعزمك على نيسكافيه و انتي تعزميني على شاي بلبن اظن كده ميزعلش حد هههههههههههههه
صح اوي اننا بنجمع البازيل عجبتني جدا
انا فعلا عاملة زي ما اكون بجمع البازيل بتاع نفسي
حتةهنا و حتة هناك بجمعهم جنب بعض و ارتبهم علشان اخرج بشكل نهائي مرتب
ممكن تكون كل القطع مكتملة و ممكن تكون لسه في قطع ناقصة و انا هعمل مجهودي علشان ادور عليها المهم اني احطهم جنب بعض و الملم بعثرتهم دي
انا بحاول الحالة دي مش تطول معايا لاني اصلا اصلا مش بستحمل القريفة كتير و مش عاوزة اخنق على نفسي كفاية اللي هي فيه هههههههههه
نورتيني يا احلى روني و على فكرة مش رغيتي ولا حاجة ده انتي اصلا كلامك حكم يا بنتي ههههههههههه
reemaas
و انا مبسوطة انك عرفتي اسمي :)))))
صح والله مفيش حد بياخد كل حاجة و هي فترة و هتعدي و هتلاقي الواحد وقف على رجله تاني و كمل الرحلة بتاعته
يارب يفرح قلب المهمومين و يفك كرب المكروبين
نورتيني حبيبتي بجد والله :))))
eng_semsem
ايواااااااااااا هي حبة الهدوء دي اللي انا فعلا محتاجاها اوي
شوية كده تقعد فيها مع نفسك تسمعها و تفكر معاها و اكيد اكيد ربنا هيفرجها من وسع
عارف حاسة كده اكني عاوزة ادوس على زرار PAUSE لفترة و بعدين ارجع تاني ادوس PLAY :)))))))))))
نورتني
http://data.whicdn.com/images/25914043/illustration_watercolor_art-468db9aed3418b075a36372073ac3b8b_h_large.jpg
-------------------
http://www.youtube.com/watch?v=PmW-PQa4r1s
-------------------
:-* على جبينك
فاتيما
حبيبة قلبي و الله نشنتي على اكتر اغنية بتلمسني لمنير ممكن تقوليلي عرفتي ازاييييييييييييي :)))))))
بوسة على خدك الجميل و حضن كبير ليكي اااااااد كده :)
والله طول ما الواحد فيه ناس زيكوا في حياته لازم يحمد ربنا على نعمته :)
تحياتي لقلبك الابيض اوي اوي اوي
إرسال تعليق