افكار مبعثرة

الابتسامة من طفلة صغيرة في عز شرودك و تفكيرك بيكون ليها اثر السحر
حاجة قاسية اما تحب تشارك حد حاجة مفرحاك و تلاقي الموضوع مر عليهم مرور الكرام
بتبقى حاجة صعبة اما تعرف ايه هو الحل لمشكلتك بس حاجة اصعب اما يكون الحل مش بايديك
بحر ... هوا... رمل .... شمس ...  ياسلام على دي معادلة
غريبة انك لو فضلت ساكت مش بترتاح و لو اتكلمت برده مش هترتاح
بكره الانتظار
انا ضعيفة اوي بس بيقولولي انتي قوية ...ازاي معرفش
كل يوم عن يوم بكتشف ان حدسي بيكون صادق و لازم هصدقه المرة الجاية ... يارب افتكر
لو كان الملل رجلا لقتلته
ساعات بشعر ان سعادتي وقتية تحتاج الى التجديد كل يوم بل كل ساعة ام انها كل دقيقة
بكره الناس كثيرة الشكوى لاسباب تافه و اتعجب هي قوة الاحتمال اتكتبت علي انا بس ولا ايه ؟
احمد الله الذي ان انزل البلاء فانه يكون رحيما جدا
كل يوم بشوفك على حقيقتك و كل يوم بحمد ربنا انه بينور لي بصيرتي
الهروب مش حل  و لكنه رغبة ملحة هذه الايام
قلة كلامي مش غلاسة مني انا بس مش بفتح قلبي بسهولة
اتقي شر الحليم اذا غضب
ايه الجديد ؟ ... بكره السؤال ده متحسسونيش اني قناة النيل للمنوعات
بستعجب اوي كل ما افتكرك ... هو في ناس قاسية كده ؟
عاوزة اما اجيب اطفال اربيهم كويس اوي و برده اخليهم يحبوني اوي
هو العيب فيا و لا فيهم ؟
" ان مع العسر يسرا" دايما بحطها قدامي
يارب الهمني الصبر و الهمني اصبر اللي حواليا
مليش مزاج اعيط
نفسي اسافر اوي
عاوزة اعمل حاجة مجنونة
نفسي ابقا شريرة ... بس مش هعرف
بشكرك جدا لانك كنت سبب في اني ابتدي اكتب بس مش عاوزة اشوف وشك تاني
انا اعرف اسامح بس مش بعرف انسى
عارفة ان اللي جاي ان شاء الله احسن 
يارب في ضعفي قويني 
" ولسوف يعطيك ربك فترضى" ... مفيش كلام تاني يتقال