اوقات كتير بحس ان اما بنمر باوقات صعبة بيكون ربنا سبحانه و تعالى بينادينا علشان ندعيه و نقرب منه بس يارب نفهم الرسالة
حاسة اني راضية عن نفسي و الحالة دي مش بتجيلي كتير
بحمد ربنا انه بينور لي بصيرتي في حاجات كتير اوي قبل فوات الاوان
لسه محققتش حاجات كتير من اللي انا عاوزاها بس في نفس الوقت مبسوطة من اللي وصلتله لحد دلوقتي
بقعد افكر و اشوف ترتيبات ربنا سبحانه و تعالى في حياتي و اوصل لحاجة واحدة بس و هي اني اقول الحمد لله من كل قلبي
عمري لسه صغير بس اتعلمت كتير
احمدك ربي انك ربي
"من حبه ربه حبب فيه خلقه " دايما جدتي الله يرحمها كانت تقولهالي
انا دايما بشوف الحاجة يا ابيض يا اسود مليش في الرمادي و يمكن ده اللي تعبني
صريحة زيادة عن اللزوم او ممكن تقول مدب بس مش بايدي
واثقة ان ربنا سبحانه و تعالى هيجيب لي حقي لحد عندي
بحب امي اوي و بتمنى ربنا يعوضها خير
قلبي هو اكثر عضو بيشتكي و اكثر عضو بتجاهل شكواه
في انتظار قطرات المطر التي تبلل جفاف ايامي
اوقات باتمنى اني احطم كل القيود بس مش دايما بيكون عندي الشجاعة
لكل واحد جرحني و ظلمني في حياتي احب اقولك انك انت الخسران
كل يوم بيبدأ بستنى فيه حاجة حلوة تحصل و لو عدى اليوم ومحصلتش بستنى اليوم اللي بعده بس خايفة ازهق من الانتظار
خايفة تجتاحني لحظة من لحظات الضعف الي دايما بنهار فيها و اشوف الدنيا بمنظار اسود ..يا رب قويني
في ناس اما بشوف تصرفاتهم بقول الحمد لله الذي عافانا
نفسي دايما اما تيجي سيرتي عند حد يفتكرني بكل خير
نفسي ربنا يعيني على نفسي
هناك 16 تعليقًا:
حاسه انك راضيه عن نفسك لازم تكونى راضيه عارفه ليه لان كلامك يدل على رقه مشاعرك وطيبتك وطهاره قلبك فلماذا لا ياتى الرضا ادام الله رضاكى وحفظك وراضاكى حبيبتى طيبه القلب
سعدت كثيرا مطالعة مدونتك وقراءة افكارك وتكتمل سعادتي ان اضيف رابط مدونتك الى مدونتي وتطفو السعادة وتغرق احاسيسي اذا ضيقتي رابط مدونتي الى قسم من تعجبك كلامهم
م سمير حمدي
مدونة جاءتني فكرة
http://sameerkounbar.blogspot.com/
جزء كبير من البوست دة
بسطنى جدآ
بالنسبه للى جرحوكى واللى ضايقوكى انا دايمآ بقول جملتك مع تطليع اللسان ايوان هو كدة ههههههههههههههههه
مبسوطه من البوست الجميل دة تحسي بوست انسانى جدآآآآآآآآ:))
ماشاء الله عليك
أحلي حاجة فى الدنيا هي الرضا
ربنا يكملك بعقلك يارب العالمين
دايماً بادعي: ربي لا تكلني إلى نفسي طرفة عين
ربنا ينور بصايرنا ويهدينا جميعاً للحق اللهم آمين
خالص تحياتي
صباح الغاردينيا أحساس
فاكرة اول مرة دخلت عندك وقلت لك أنا نفسي أسميكي أحساس ومش أفكار عارفه ليه؟
عشان جواكي احساس جميل وروح حلوة وقلب ابيض وطهر طفلة عارفة أنه أجمل حاجة في الدنيا لما تكوني بنفس الروح الحلوة دي الي حبيتها فيكي خليكي زي ماأنتي ماتخافيش حتى لوحد جرحك سامحي وعديها وابتسمي لان قلبك نقي وابيض وجميل حافظي عليه وحافظي على احساسك وبجد والله من اجمل البوستات الي قريتها النهردة صباحي كان حلو عند دودو حبيبتي وبعدها انتي :) ربنا يخليكم ليا وأشوفكم دايما بسعادة وابتسامة "
؛؛
؛
لروحك عبق الغاردينيا
كانت هنا
reemaas
الله يقدم الخير لعباده دائماً
فقط علينا ان نرضى ونحسن الظن بالله :)
احببت انك تفكرين بهذه الطريقة ..
جميلة حروفك ،
تقبلي مروري
روزي ،
إن الرضا بما قسمه الله لنا هو قمة السعادة ..
يارب تكون حياتك سعادة ورضا وكمال يارب
تحياتي لشفافيتك ولقلمك
هبة فاروق
حبيبة قلبي يا هوبه بجد كلامك اسعدني و طبطب على روحي و خلاني احمد ربنا سبحانه و تعالى ان من عليه بناس زيك يا حبيبتي :)
ربنا يخليكي ليا و فرح قلبك زي ما فرحتي قلبي :)
نورتيني يا جمييييييل
م سمير حمدي
اسعدتني زيارتك للغاية و يشرفني زيارة مدونتك :)
نورتني :)
rona ali
ايوااااااااان هو ده المطلوب وش بيطلع لسانه و يقول مع السلامة المركب اللي تودي هههههههه
مبسوطة اوي ان البوست عجيك :)
نورتيني حبيبتي
نيللى
حبيبتي ربنا يخليكي ليا يا رب
الحمد لله رب العلمين ربنا يديم علينا نعمة الرضا و يكتب لنا كل الخير
نورتيني :)
P A S H A
امين يا رب العلمين :)
يكتبلنا كل الخير و يقسم لنا الرضا يا رب
نورتني :)
ريـــمـــاس حبيبة قلبي من جوه
طيب انا ممكن اقول ايه بقا بعد الكلام الحلو ده تصدقي بالله ان انا اللي ابتسمت و عنيا دمعت من كلامك
مبسوطة اني اقدرت بحروفي ابسطك و ارسم ابتسامة على وشك الجميل
والله انت اللي روحك حلوة و نقية فشايفة كل حاجة حواليكي كده :)
ربنا يخليكي ليا يارب و بوسة و حضن كبيييييييير مني ليكي
نورتيني :)
Princess Roze
امين يا رب العلمين و يرضينا و يرضيكي و يقسم لنا الخير ان شاء الله :)
اشكرك جدا على زيارتك الجميلة
نورتيني :)
كريمة سندي
امين يا رب العلمين
ربنا يخليكي ليا حبيبتي
نورتيني :)
إرسال تعليق