في دموع في عيني عاوزة تنزل بس انا بحاول امنعها
ممكن عشان نزولها معناه اعتراف مني ان انا مش سليمة
انا في جوايا شرخ بحاول اخبيه
بس كل شوية الشرخ بيبان و مش نافع معاه اي محاولة عشان اداريه
و كل ما يبان الشرخ ده تبان معاه الدموع
بحاول و بحاول وبحاول
بضحك و بهزر و بداري
بس في لحظة بتيجي عليا و مش بعرف اواصل
عاوزة اصلح الشرخ و مش عارفة
عاوزة اداريه و برده بيصر على انه يقوللي انا موجود مهما حاولتي
في الاخر بسيب نفسي لدموعي تنزل
بحس ان المقاومة مش هتجدي
و بفتكر كلام ام كلثوم و هي بتقول "بيريحني بكايا ساعات"
ايوة بيرحني بكايا ساعات ... بس مش ف كل الساعات
ليست هناك تعليقات:
إرسال تعليق