اريده رجلا قوي الشخصية يقودني لا اقوده
اريده رجلا يحترمني و يحترم افكاري
اريده رجلا يعاملني كملكة لا جارية
اريده رجلا اسند رأسي على كتفه لارتاح و انسى همومي
اريده رجلا يدللني و يعاملني كطفلة شقية
اريده رجلا اجده حين احتاجه
اريده رجلا لا يخجل ان يعتذر لي اذا اخطأ
اريده رجلا يلجأ لي لاحتويه كما تحتوي الام طفلها
اريده رجلا اثق به و اعلم انه لن يخونني
اريده رجلا اكون انا كل عالمه كما سيكون هو كل عالمي
اريده رجلا لا يرى غيري اما لاطفاله
اريده رجلا لا يكذب لا يخدع لا يهرب
اريده رجلا...رجلا بمعنى الكلمة
هناك 4 تعليقات:
كلامك حلو
طبعا دة إللى إحنا كبنات و سيدات بنتمناه من الراجل
المشكلة إن الرجال بيفكروا فى الموضوع بطريقة مختلفة تماما لأن مخهم بيشتغل بطريقة مختلفة عننا
يعنى حتة إنك تبقى كل عالمه زى ما هو كل عالمك مش ممكنة صدقينى
و بعدين ليه يبقى هو كل عالمك، ما الدنيا واسعة
لازم يبقى عندك إهتمامات غيره كثير
علشان ما تحسيش إنك هبلة لما يسيبك و ينزل يقعد على القهوة و إنت محتاجة له
أو يقفل عليكى فى التليفون عشان عنده شغل
أنصحك تقرى كتاب جون جراى "الرجال من المريخ و النساء من الزهرة" إذا ما كنتيش قريتيه فعلا
أنا شفته فى مكتبة الشروق و لو تحبى تقريه بالإنجليزى انا عندى نسخة ممكن أبعتها لك scan
الغريب إنى كنت بأكتب بوست عن موضوع العلاقة بين الرجل و المرأة قبل ما أقرأ دة على طول
بس لسة ما كملتوش لأنى هنجت
أنا و جهة نظرى مختلفة عنك طبعا، بس الرومانسية أو حلم الرومانسية حيفضل حاجة خالدة لينا إحنا بنات حواء
شهرزاد المصرية
زي ما قلتي ده اللي بنات حوا بتتمناه و انا عارفة ان الواقع مختلف تماماااااااااااا بس عادي اني احلم بالرجل اللي بتمناه
و حته انه يكون كل عالمي دي مش معناه اني هقفل حياتي عليه معناها اني هديله الاهتمام المطلوب اللي يرضيه و يحسسه انه فعلا كل عالمي و عاوزة منه هو كمان انه يديلي الاهتمام ده
و زي ما قلتي بالظبط الرومانسية حيفضل حاجة خالدة لينا كبنات حوا
شرفتي المدونة :)))
و بالنسبة للكتاب ياريت فعلا تبعتيهولي scenned :)))))))))
إدينى إيميلك و انا أبعته
إرسال تعليق