صحيت النهاردة و حسيت ان جوايا شوية كلام عاوزة اقوله لبعض الناس اللي مروا عليا في حياتي
فكرت لو الكلام ده حبيت ابعته ليهم في صورة رسايل على الموبايل هتكون ازاي
طبعا انا مش هقول الرسايل دي موجهه لمين بس اكيد كل واحد عارف نفسه
و انا عارفة اني مش هبعت الرسايل دي لاي حد ممكن عشان مش عندهم موبايل او عشان خسارة فيهم الكلام او عشان مش معايا رصيد :) :):)
الرسالة الاولى: وحشتوني اوي اوي اوي و بجد محتاجينكم جدا ووجودكم كان فارق معانا كتير اوي ...ربنا يرحمكم
الرسالة التانية: انا مش قادرة اتخيل انت ازاي كده و جبت القسوة دي كلها منين للاسف مش قادرة اسامحك ولا انسى اللي انت عملته
الرسالة التالتة: بحبك اوي و ربنا يخليكي يارب و يقويكي و يعوضك خير عن كل حاجة
الرسالة التالتة: ربنا يخليكو لينا وجودكم مهون علينا كتير و معوضني عن حاجة مفتقداها اوي
الرسالة الرابعة: انا ندمانة جدا على اني سمحت لك انك تدخل حياتي بس الواحد مش بيتعلم ببلاش
الرسالة الخامسة: انا كتير عليك و الخسارة خسارتك انت مش خسارتي انا
الرسالة السادسة : بحبك اوي اوي اوي و بدعي ربنا يحميك و يهديك و يخليك احسن واحد في الدنيا
الرسالة السابعة : بحبك اوي اوي يا بت انتي و ربنا يخليكي ليا و ميحرمنيش منك ابدا
الرسالة الثامنة: ربنا يخليكو ليا و بحمد ربنا على وجودكو في حياتي ودايما متجمعين في الخير و بينا كل ود وحاجة حلوة
الرسالة الاخيرة لكل واحد رسم ابتسامة على وشي و حبني لوجه الله و وقف جنبي في موقف صعب عدى عليه وهون عليا و لو حتى بطبطبة على كتفي بجد متشكرة موقفكوا فرق معايا كتير و حسسني ان الدنيا لسه فيها حاجة حلوة وان ربنا سبحانه و تعالى دايما بيبعت اللي يهون على الواحد موقف صعب عدى عليه
هناك تعليقان (2):
رسائلك كالدنيا تحمل كل االتناقض و كل الطباع
رسالتى لكى ربنا يسعدك و يريح بالك
خالص تحياتى
ابراهيم رزق
فعلا و انا بعيد قراية البوست شفت كل التناقض ده بس هي كده الدنيا مش كده ولا ايه ؟
رسالتك حلوة اوي بجد لاني فعلا محتاجة السعادة وراحة البال و اتمنى لك نفس السعادة و راحة البال
نورت المدونة :)
إرسال تعليق