و انا قاعدة بتفرج على مدونتي
اصل انا مبسوطة بيها اوي و فرحانة بيها زي ما تكون بنتي
لقيت نفسي بعد كتبت كام بوست
لقيتهم 95
مصدقتش
فضلت اعد و اعد واعد
وطلعوا 95
يااااااااااااه 95 بوست
انا فاكرة اول مرة عملت فيها مدونة و جربت اكتب
مقلتش لحد اني عملت مدونة عشان مكنتش عارفة اذا كنت هكمل ولا لا
عملت المدونة من باب التجربة و بس
كبيري كده هكتب كام بوست و بس (ده كلامي اللي كنت بقوله لنفسي)
شوية شوية لقيتني بكتب
دخلت عالم التدوين
عرفت اشخاص من خلال التدوين
بعلق عندهم و يعلقوا عندي
بشوف كتاباتي من خلالهم
كل حد شايف افكاري بمنظور مختلف
مدونتي بقت صاحبتي او بنتي او كاتم اسراري
كل بوست له ذكرى معايا حلوة او مش حلوة
كل بوست بيمثل جزء مني مقدرش استغنى عنه
كل بوست بيمثل فكرة من افكاري المبعثرة
فكرة هنا و فكرة هناك لضمتهم هنا في المدونة دي
95 فكرة لضمتهم و عملت بيهم اغلى عقد عندي
لقيت ان رقم 95 له طعم تاني
لقيت ان رقم 95 ممكن يتحب
95...اول مرة احبك
هناك 4 تعليقات:
مساء الغاردينيا ياغالية
الف الف الف مبرووووووووووك
ويارب البوست المليون :)
واشوفك دايماً رائعة زي ماأنتِ "
؛؛
؛
لروحك عبق الغاردينيا
كانت هنا
reemaas
ريماس
ربنا يخليكي ليا حبيبتي و دايما منوراني :)))
تحياتي ليكي
أعلم بأن عطائك لن يتوقف
وستحبين بإذن الله الأرقام الكبيرة الضخمة جدا
دائما ما أحب المرور هنا
تقبلي مرور
آس
شكرا ليكي جدا و مرورك دائما يسعدني
نورتيني :)))
إرسال تعليق