من فترة طويلة كنت بتناقش انا وصديق عزيز علي في المدونة بتاعتي و قلت له اقترح علي موضوع اكتب فيه فقاللي "ايه رأيك تكتبي موضوع خلليك فريش احنا ف رحلة"
ابتسمت و سكت و قلت له هفكر في حاجة واكتبها
قعدت افكر و افكر ولقيتني بكتب في حاجات تانية غير الموضوع ده
العنوان كان في دماغي بس لسه الموضوع ماجاش
وبعدين لقيتني بفكر
طيب ماهي الحياة اللي احنا فيها دي مجرد رحلة
معروف بدايتها امتى بس مش معروف النهاية امتى و فين
رحلة بنقابل فيها ناس كتير
بنتكلم بنضحك بنبكي بنحب بنكره
رحلة بنجرب فيها كل المشاعر الانسانية
رحلة زادنا فيها بسيط اوي
الايمان والرضا والامل
الايمان بان كل اللي بيكتبه ربنا لينا في الرحلة دي خير و مالناش يد فيه
والرضا باللي ربنا بيكتبه لينا
والامل في بكره
و نفضل في الرحلة دي الى ما شاء الله
طيب فيها ايه لو قلنا لنفسنا في الرحلة دي "خلليك فريش احنا ف رحلة"
فيها ايه لو اخدنا معانا ف رحلتنا الذكرى الحلوة بس و سبنا الذكريات الوحشة
فيها ايه لو قابلنا كل حاجة بتواجهنا بابتسامة
فيها ايه لو سامحنا
فيها ايه لو ضحكنا
فيها ايه لو اتعلمنا من اخطائنا
فيها ايه لو استمتعنا بالرحلة دي اللي مش هتتكرر تاني
فيها ايه لو كل ما الرحلة طالت او حسينا بانها صعبة شوية نقول لنفسنا "خلليك فريش احنا ف رحلة"
بس كده
ببساطة
انا هخلليني فريش ما انا ف رحلة
هناك 4 تعليقات:
صباحك غاردينيا
بجد ياليت نحس اننا في رحله عشان مانحسش بـ الألم وبـ الحزن ونقول اهي رحلة ولازم نبقى فريش :)
يارب دايماً حياتك فريش وإبتسامة "
؛؛
؛
لروحك عبق الغاردينيا
reemaas
و الاهم الناس اللى بنعدى عليهم فى رحلتنا يجب ان نترك عندهم ذكرى طيبة لان هذه الذكرى هى التى سوف تدوم
تحياتى لفكرك الراقى
ريماس
ياريت نعرف نحط دايما ف بالنا ان دي رحلة لازم نعدي منه و احنا فريش و يارب يملا حياتك بهجة و سعادة :))
نورتيني :)
ابراهيم رزق
اوافقك تماما
شكرا ليك و تحياتي :)
إرسال تعليق