افكار مبعثرة و مجهدة

بمر بفترة من اصعب فترات حياتي بس مش هخليها تأثر عليا

ازاي جه عليا وقت قعدت اسأل نفسي هو انا كنت بحلم بايه و قعدت احاول اعصر مخي  لحد ما افتكرت احلامي من تاني

الف حمد وشكر ليك يارب على كل حاجة

"وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ" في عز تعبي امبارح سمعتها من الجامع اللي جنب بيتنا اد ايه ارتحت اوي بعدها و حمدت ربنا و حسيت انها رسالة ربنا بيبعتها لي

عمري ما هاجي على نفسي تاني ده اكتر درس اتحفر في دماغي

ازاي الواحد بيبقا قدامه اشارات كتير تحذره من حاجة معينة و هو مش بيلتفت ليها هل دي غشومية و لا رغبة في الانتحار؟

افتقدت الكتابة اوي في بعدي عنها و اكتشفت ان جزء من تعبي كان بسبب بعدي عن الكتابة و بالتالي مش هبعد عنها تاني لانها جزء مني لو ضاع انا نفسي بضيع

انا في المرحلة دي بحاول اصالح نفسي و اطبطب عليها اصلي جيت عليها كتير واذيتها اوي

مفيش حد ولا حاجة تستحق انك تعصي ربنا علشانها ابدا

ربنا سبحانه و تعالى و اهلي و نفسي و كتابتي و شغلي دول ف الاول و مش هسيب حاجة تيجي عليهم ابدا...هفضل احطها قدام عيني

اوقات كتير بقعد اسأل نفسي عن سبب دخول اشخاص معينة في حياتي و خروجهم بعد ما يسيبوا وراهم كم كبير جدا من الفوضى و الكركبة في كل ركن في حياتي

بكره احساس الندم اما يتمكلني و دي اكتر فترة متملكني فيها احساس الندم

كل حاجة بتحصل بيبقى ليها حكمة من ربنا سبحانه و تعالى لا يعلمها سواه فالحمد لله يارب على كل ما تكتبه لي او تصرفه عني

انا كان طبعي اني بسامح ناس و اعدي حاجات بس مش بنسى انها حصلت ليا منهم دلوقتي لا انا هسامح ولا هنسى

من الصعب جدا اجتماع الصيام مع نزلة البرد مع الحالة النفسية السيئة بحس اني مش عارفة الاقيها منين ولا منين

بتامل صوري القديمة (وقديمة دي يعني من شهور) و بتامل ضحكتي اد ايه كانت صافية و حقيقية اوي دلوقتي لو برسم ابتسامة بتبقا باين اوي انها مزيفة و تحصيل حاصل

عاوزاني ارجع من تاني

الفترة اللي جاية هتبقى تحدي كبير بالنسبة لي يارب انجح فيه

افكار مبعثرة 1

افكار مبعثرة 2

افكار مبعثرة اوي